Azərbaycan Dövlət Akademik Milli Dram Teatrının istedadlı aktyoru Ziya Ağanın teatrdan uzaqlaşdırıldığı xəbəri yayılıb. 

“Ədəbiyyat və incəsənət” portalı xəbər verir ki, aktyor özü sosial media hesabında olayı belə şərh edib: 

“Bu gün Akademik Milli Dram teatrı ilə yollarımız ayrıldı. Teatrda bu sezon üçün düşünülən, həqiqətən də uğurlu hesab etdiyim, teatrın gələcəyi üçün uğurlu perpektiv vəd edən planları, iş qrafiki mənim planlarımla üst-üstdə düşsə belə, iş qrafikimlə üst-üstə düşmədiyindən teatrdan ayrılmalı oldum. Başda teatrımızın bədii rəhbəri Mehriban xanım Ələkbərzadə və direktorumuz İlham bəy Əsgərov olmaqla doğma kollektivimə uğurlar arzulayıram !!!

Əgər teatrın gələcəyi üçün maneə olan kimliyindən asılı olmayaraq kimsə varsa oradan uzaqlaşmalı və ya uzaqlaşdırılmalıdır.”

“Ədəbiyyat və incəsənət”

(15.09.2023)