Kaliforniya ştatından kinosevərləri təşvişə salan xəbərlər bir-birini sıralamaqdadır. Növbəti xəbər Hollivudun əsas kinostudiyalarından olan “Warner Bros.” ilə bağlıdır, kinostudiyanın rəhbərliyi bir neçə məşhur prodüser və ssenaristlə müqavilələri dayandırıb.

Xarici KİV-in verdiyi məlumata görə, bu siyahıya Cey Cey Abrams, Qreq Berlanti, Cak Lorre, Bill Lourens, Con Uells və bir çox başqaları daxildir.

Qeyd edək ki, sadalananların hamısı artıq öz sözünü demiş məşhur prodüserlərdir. Bu prosesə ABŞ Kinematoqrafçılar Gildiyasının təşkil etdiyi tətillərin də səbəb olduğu vurğulanır. Buna görə də artıq bir çox digər şirkətlərdə işçilərin ixtisarı başlayıb.

“Ədəbiyyat və incəsənət”

(11.09.2023)