Günün fotosu: Co Bayden Fransadadır

Rubrikanı Kənan Məmmədli təqdim edir

ABŞ prezidenti Co Bayden Fransaya səfər edib ki, anti-Hitler koalisiyasındakı müttəfiqlərin Normandiyaya qoşun çıxarmasının 80 illik yubiley şənliklərində iştirak etsin. 

Biz sovetin davalı filmləri ilə böyüyən uşaqlarıq və gözəl bilirik ki, müttəfiqlər ABŞ, Britaniya, Fransa və SSRİ (Rusiya) olub, Hitler Almaniyasını əsas çökdürən də elə sovetlər olub. 

Baydenə onlarla ölkənin liderləri qoşulacaq. Rusiya isə tədbirlərə dəvət olunmayıb. Ukraynaya qarşı təcavüzkar müharibə aparan bir ölkə indi hamının gözündən düşüb. 

Tarixdən bizə bəllidir ki, 1944-cü ilin altıncı - iyun ayında "D-D" adlanan Normandiya sahillərinə 156 min əsgər endi. Tarixin ən böyük eniş əməliyyatı müharibənin dönüş nöqtələrindən biri oldu və Avropada qərb cəbhəsinin açılışını qeyd etdi.

Ruslar faşizmdən dünyanı xilas edirdi, çərxi-fələk necə dövran etdisə indi dünya Ukraynanı rus faşizmindən xilas etmək istəyir.

Ey dadi-bidad.

Bu arada günün fotosu AP agentliyinindir.

“Ədəbiyyat və incəsənət”

(06.06.2024)