Günün fotosu: Bakıda Bədii gimnastika üzrə Dünya Kuboku keçirildi

 41 ölkəni təmsil edən 129 idmançının iştirakı ilə Bakıda keçirilən Bədii gimnastika üzrə Dünya Kubokuna dünən - aprelin 21-də yekun vuruldu. 

Qrup hərəkətləri üzrə Azərbaycan komandası bürünc medal qazandı. Güllü Ağalarzadə, Kamilla Əliyeva, Yelizaveta Luzan, Darya Sorokina, Ləman Əlimuradova və Zeynəb Hümmətovadan ibarət komanda üç lent və iki topla qrup hərəkətlərində buna nail olublar. Onlar hakimlər tərəfindən 69.050 xalla qiymətləndiriliblər.

Bu proqramda İspaniya komandası birinci, İtaliya komandası isə ikinci yeri tutub.

Foto: AzərTAC-ındır.

“Ədəbiyyat və incəsənət”

(22.04.2024)