GÜNÜN FOTOSU: Devid Kemeron məhz Kiyevə getdi

Nihad Alimoğlu, “Ədəbiyyat və incəsənət”

Rubrika üçün məhz AP agentliyinin (by Alexander Kazakevich) bu fotosunu seçməyim heç də əbəs deyil. Çünki bu foto dünya siyasətinin hazırkı prioritetinə bir daha önəm verir. 

“Yaxın Şərqdəki müharibəyə baxmayaraq Ukraynanı unutma” – Britaniyanın yeni xarici işlər naziri Kiyevə dəstək vəd etdi.

Gözlənilmədən siyasətə qayıdan David Kemeron - Britaniya diplomatiyasının rəhbəri olaraq xaricə ilk işgüzar səfəri üçün məhz Kiyevi seçdi. 

"Əlamətdar bir görüş. Cəbhə üçün silahlar, hava hücumundan müdafiənin gücləndirilməsi, insanlarımızın və kritik infrastrukturun qorunması. Dəstəyə görə Böyük Britaniyaya minnətdaram" deyə Vladimir Zelenski sosial şəbəkələrdə yazıb. 

Forin ofisinin yeni rəhbəri İngiltərənin Ukraynaya "mənəvi, diplomatik, iqtisadi, lakin hər şeydən əvvəl hərbi dəstək"verməyə davam edəcəyinə söz də verdi.

Bu arada bir ölkənin dinc əhalisini bombalayan Rusiyanın Sankt-Peterburqda mədəniyyət(???) forumu keçirərək 30 ölkənin mədəniyyət nazirini bir araya gətirməsinin mesajı nədir, bax bu anlaşılmır.

“Ədəbiyyat və incəsənət”

(17.11.2023)