Günün fotosu: Yaxın Şərq alova bürünüb

Kənan Məmmədli, “Ədəbiyyat və incəsənət”

HAMAS-ın İsrailə qəfil hücumu nəticəsində İsraildə ölənlərin sayı 600 nəfəri keçib, 2000-dən çox insan yaralanıb. 100-ə yaxın israilli isə ilk hücum zamanı oğurlanıb. 

Qəzza bölgəsinə əks zərbələr endirən İsrail ordusu hücumçuların həmləsini bir qədər neytrallaşdırmağı bacarıb. 417 fələstinlinin öldürüldüyü, 2300 nəfərinin yaralandığı bildirilir. 

“Euronews”un yaydığı fotoda xəsarət almış körpələr görüntüyə gəlir. Ölən və yaralananlar arasında körpələr də az deyil. 

Bəli, müharibənin dəhşətli üzü bax budur.

Bu arada onu da qeyd edim ki, dünya birliyi birmənalı şəkildə baş verən münaqişədə İsraili dəstəkləyir. Yalnız Rusiya və İrandan, təbii ki, bir də ərəb ölkələrindən başqa. 

Rusiya və İran bir daha öz simasını açıb ortaya qoymaqdadır. 

Bizsə özlüyümüzdə münaqişənin sona çatmasını, sülhün bərqərar olmasını arzulayırıq. 

“Ədəbiyyat və incəsənət”

(09.10.2023)