Azərbaycanda qonaq olan macar şairi, tərcüməçi Balaş Soloji yazıçı, şair Ramil Əhmədin müşayiəti ilə Cəfər Cabbarlı adına Respublika Gənclər Kitabxanasında qonaq olub.

Ramil Əhmədin “Ədəbiyyat və incəsənət”ə verdiyi məlumata görə, görüş zamanı qonaqlara Respublika Gənclər Kitabxanası haqqında məlumat verilib. Bildirilib ki, 152000-dən artıq fondu olan Gənclər Kitabxanası bu il 95 illiyini qeyd edir. Qonaqlara kitabxanada tətbiq edilən Avtomatlaşdırılmış Kitabxana İnformasiya Sistemləri, elektron və metodiki xidmətlər haqqında geniş məlumat verilib. 

Sonra qonaqlar kitabxana fondu ilə yaxından tanış olub və şöbələrə, sərgilərə baxış keçiriblər. 

Görüşün sonunda qonağa Azərbaycanın tarixi abidələrini əks etdirən suvenirlər və 44 günlük Zəfər Tarixindən bəhs edən kitab hədiyyə edilib.

“Ədəbiyyat və incəsənət”

(13.06.2023)