Kitabın təbliğatı sahəsində növbəti addımı Bakı Şəhər Mədəniyyət Baş İdarəsi Yasamal rayon Mərkəzləşdirilmiş Kitabxana Sisteminin 3 nömrəli filialının əməkdaşları atıblar. Onlar 9 avqust - Ümumdünya Kitabsevərlər Günü ilə əlaqədar səyyar kitab sərgisi təşkil ediblər.
Baş İdarədən bildirilib ki, səyyar sərgidə müxtəlif yaş qruplarından olan oxucuların marağına səbəb olan kitablar nümayiş olunub. Kitabxana əməkdaşları oxuculara Ümumdünya Kitabsevərlər Günü haqqında ətraflı məlumat veriblər. Kitabxananın əməkdaşları oxuculara kitablar hədiyyə ediblər.
Nəzərinizə çatdıraq ki, sərgini təşkil etməkdə məqsəd oxucularda kitaba, mütaliəyə maraq yaratmaq, mütaliənin cəmiyyətin gündəlik vərdişinə çevrilməsinə yardım göstərməkdir.