Aprelin 2-si Azərbaycanda Ramazan ayının ilk günüdür. Bu tarixi Qafqaz Müsəlmanları İdarəsi təsdiqləyib. “Ədəbiyyat və incəsənət” portalı xəbər verir ki, qurum rəsmən Qafqaz Müsəlmanları İdarəsi tərəfindən Şamaxı Rəsədxanasına sorğu göndərildiyini bəyan edib. Rəsədxanadan ayların daxilolma təqvimini ruhani idarəsinə təqdim ediblər. Təqvimə əsasən aprelin 2-si Ramazan ayı daxil olur. Dünən, ayın 1-də isə Ramazan hilalı görünüb. Adətən hilal görünürsə, ertəsi gün Ramazan ayının 1-ci günü sayılır. 

Qafqaz Müsəlmanları İdarəsi Ramazan bayramının keçirilmə vaxtını da açıqlayıb.

Ramazan bayramı dövlət səviyyəsində 2 gün qeyd olunacaq. Rəsədxananın verdiyi təqvimə əsasən mayın 2-3-ü Ramazan bayramıdır. 

Müqəddəs Ramazan ayınız mübarək, əziz oxucularımız! Allah tutduğunuz orucunuzu qəbul etsin!