Xalq yazıçısı Çingiz Abdullayev ədəbiyyatdan əldə edəcəyi gəlirin bir hissəsini “Yaşat” Fonduna köçürəcəyi ilə bağlı qərar qəbul edib. Bu barədə o, öz Facebook hesabında yazıb:
“Azərbaycandakı bütün nəşriyyatlardan xahiş edirəm ki, mənim kitablarımın qonorarlarının 10%-ini “Yaşat" Fonduna köçürtsünlər və kitablarımda Fondun işarəsi əks olunsun.
Mənim öz çıxışlarıma görə qonorar almadığımı hamı bilir. Avqust ayının 1-dən etibarən məktəblilər və tələbələrlə görüşlər istisna olmaqla, bütün çıxışlarımın qonorarları “Yaşat" Fonduna köçürülsün. Həmçinin ölkəmizdəki mənim bütün reklam müqavilələrimin gəlirləri bütünlüklə "Yaşat" Fonduna köçürülsün.”