İnci Məmmədzadə, “Ədəbiyyat və incəsənət”

Unutmadıq və unutmayacağıq!

Azərbaycan Quru Qoşunlarının mənsubu baş leytenant Elşad Əhədov 4 mart 1968-ci ildə Masallı rayonunun Təzə Alvadı kəndində dünyaya gəlmişdir. Orta məktəbi burada oxumuş, Naxçıvanski adına Hərbi liseyə daxil olmuşdur. Sonra Ukraynanın Kamenets-Podolsk Ali komandirlər məktəbinin tələbəsi olmuşdur.

1989-cu ildə Elşad Əhədov Volqoqrad hərbi hissələrindən birinə rota komandiri təyin edilir. Amma Vətənində başlayan müharibə onu ciddi narahat edir, o, başa düşür ki, erməni faşistlərin cavablarını vermək üçün hökmən gedib vuruşmalıdır.

Vətənə dönən Elşad əvvəlcə Bakının Güzdək qəsəbəsində, sonra Lənkəran rayonunda rota komandiri kimi fəaliyyət göstərir. Erməni işğalçılarının hücumu zamanı Füzulidə, Aşağı Veysəllidə, Şişqayada və digər döyüş bölgələrində vuruşmuşdur. Son döyüşü Ağdaş yüksəkliyi uğrunda olur, 11 dekabr 1993-cü il Ağdaş yüksəkliyi uğrunda gedən döyüşdə o, mərdliklə həlak olur.

Azərbaycan Respublikası prezidentinin 14 dekabr 1993-cü il tarixli fərmanı ilə Əhədov Elşad Saday oğlu ölümündən sonra "Azərbaycan Bayrağı" ordeni ilə təltif edilmiş, 16 sentyabr 1994-cü il tarixli 203 saylı fərmanı ilə "Azərbaycanın Milli Qəhrəmanı" adına layiq görülmüşdür.

Təzə Alvadı kəndində dəfn edilmişdir. Həmin kəndin orta məktəbi və parkı qəhrəmanın adını daşıyır.

Allah rəhmət eləsin!

Amin!

“Ədəbiyyat və incəsənət”

(04.03.2025)