Könül, “Ədəbiyyat və incəsənət”

Özbəkistan -Azərbaycan ədəbi-mədəni əlaqələrinin inkişafında fəal fəaliyyəti ilə seçilən şair-publisist İntiqam Yaşar Özbəkistan Yazıçılar Birliyinin fəxri üzvü seçilib. 

Hazırda Dünya Gənc Türk Yazarlar Birliyinə rəhbərlik edən şairin bu vaxta qədər Bakıda  "İlk görüş" "...və susarsan", "Evdə yoxam" "Adını çəkirəm", Təbrizdə “Bütün xatirələr sənə qalacaq" adlı şeir kitabları çap olunub. İntiqam Yaşarın şeirləri və publisistik yazıları mütəmadi olaraq Özbəkistanın nüfuzlu mətbu orqanlarında dərc olunur.

Şairin başçılıq etdiyi qurumda Özbəkistanın gənc yazarları təmsil edilirlər. 

Şairi Özbəkistan Yazıçılar Birliyinin fəxri üzvü seçilməsi münasibəti ilə təbrik edib təəssüratlarını soruşduq. O, bildirdi:

-Əlbəttə ki, türk dünyasının siyasi-iqtisadi birliyi qədər mədəni birliyi də prioritet məsələdir. Və bu sahəyə töhvə verə bildiyim üçün özümü xoşbəxt sanıram. 

“Ədəbiyyat və incəsənət”

(22.08.2024)