20 yaşlı tibb fakültəsi tələbəsi Enes Karanın yataqxanada təzyiqlərə məruz qaldığını və psixoloji cəhətdən yorğun olduğunu bildirən videonu sosial şəbəkədə yaydıqdan sonra intihar etməsi bütün Türkiyəni silkələyib. 

“Ədəbiyyat və incəsənət” portalı SonDakika saytına istinadən məlumat verir ki, hadisə ilə bağlı bir çox ünlülər açıqlama veriblər, reaksiya göstəriblər. O cümlədən də Türkiyənin meqa starı Tarkan.

Tanınmış müğənni bütün türk valideynlərinə, analara müraciət edərək deyib: "Ey analar! Uşaqlarınızın duyğularını və düşüncələrini həssaslıq, sevgi ilə dinləyin və hər şey bitməsin deyə qeydsiz-şərtsiz onlarla birlikdə olun. Onların azad iradəsinə, arzularına və seçiminə həmişə hörmət edin."

Tarkanın bu müraciəti geniş tirajlanmışdır. Həqiqətən, psixoloji aspektdən mütəxəssislər izah edirlər ki, Türkiyədə valideyin-övlad uçurumu Qərb səviyyəsinə çatmaqdadır, halbuki türk mentaliteti həmişə ailə humanizminə önəm verib.