Könül, “Ədəbiyyat və incəsənət”

Hər gün bir yeniliyə imza atan Cəfər Cabbarlı adına Respublika Gənclər Kitabxanasında “Tarix yaradan şəxsiyyət - Heydər Əliyev 100” layihəsi çərçivəsində elektron məlumat bazası yaradılıb. Kitabxananın “Heydər Əliyev İli” çərçivəsində həyata keçirdiyi “Tarix yaradan şəxsiyyət - Heydər Əliyev 100” layihəsi Azərbaycan dövlətçiliyi tarixində müstəsna, əvəzsiz xidmətləri ilə əbədilik qazanan, adı müasir Azərbaycan tarixi ilə əbədiləşən, dünyanın siyasət aləmində böyük siyasi məktəb kimi qəbul edilən, dövlət müstəqilliyimizin, azərbaycançılıq məfkurəsinin banisi, Ümummilli Liderinin mənalı həyat yolu, zəngin və çoxşaxəli irsinin tədqiqi və gənclər arasında təbliği məqsədilə həyata keçirilir.

Gənclər Kitabxanasında “Tarix yaradan şəxsiyyət – Heydər Əliyev 100” layihəsi çərçivəsində Ulu Öndərə həsr edilən elektron məlumat bazası hazırlanıb. 30-a yaxın bölmədən ibarət olan məlumat bazasında aşağıdakı bölmələr yer alıb:

-rəsmi sənədlər,

-Heydər Əliyevin şah əsəri,

-Heydər Əliyev surəti bədii ədəbiyyat və incəsənətdə,

-xatirəsinin əbədiləşdirilməsi,

-izomateriallar,

-filmoqrafiya,

-virtual sərgi,

-fotoqalereya

- videoqalereya

Məlumat bazasında dahi şəxsiyyət, müasir Azərbaycanın memarı Heydər Əliyevin həyatı, ictimai fəaliyyətinin əsas tarixləri, müdrik kəlamları, dünyanın tanınmış dövlət xadimlərinin Ulu Öndər haqqında söylədikləri dəyərli fikirlər, xatirələr də təqdim edilir.

 Kitabxana əməkdaşları tərəfindən hazırlanan elektron bazada Ulu Öndərin Azərbaycan, rus, ingilis və digər xarici dillərdə nəşr olunmuş kitabları, məqalələri, çıxışları, dissertasiya və avtoreferatlarda əks olunur. Elektron məlumat bazasında kitabxana əməkdaşları tərəfindən Gənclər Kitabxanasında “Tarix yaradan şəxsiyyət – Heydər Əliyev 100” layihəsi çərçivəsində hazırlanan multimediya məhsullarından nümunələr də təqdim edilir.

“Ümummilli Lider Heydər Əliyev” adlı elektron məlumat bazası kitabxananın rəsmi saytında yerləşdirilib:

 https://ryl.az/melumat-bazalari/Ulu_Onder_Heyder_Eliyev_el_melumat_bazasi/index.html. 

Hamını elektron məlumat bazasını ziyarət etməyə çağırıram. Ümummilli liderin növbəti anım günündə, düşünürəm ki, bu çox vacibdir.

“Ədəbiyyat və incəsənət”

(12.12.2023)