Sərtyel, “Ədəbiyyat və incəsənət”
1.
Evlənmək - ömürlük ipoteka deməkdir.
2.
Allah eləməsin ki, hər şey qəzetlər yazan qədər pis olsun.
3.
Bir qısanc qadın ərinin paltarından hər gün qadın tükü tapıb dava-qırğın salardı. Bir gün o, paltarın ha o yan-bu yanına baxdısa da tük tapa bilmədi. Amma yenə dava-qırğın saldı. Ərinə dedi ki, indi də keçəl arvadlarla görüşürsən!
4.
Əgər övladlarınız sizin səhvləri təkrarlamırsa, demək, sizin övladlarınız deyillər (çukça xalq məsəli).
5.
Yeməmişdən əvvəl əlləri yuyun. Yuyulmamış əli yesəniz, ağzınıza mikrob gedər (Hannibal qaydası).
“Ədəbiyyat və incəsənət”
(04.03.2024)
