Sərtyel, “Ədəbiyyat və incəsənət”

Bəli, qapaq şəklinə ağlayan smaylik qoyduq. Gülməli bölümdə ağlamalı olacağıq.

Niyə?

Çünki mövzumuz son 100 ildə kişilərlə qadınların daxili görünüş və geyim tərzlərindəki dəyişikliklərdir.

Yüz il qabaq şalvar sırf kişi geyimi idi.

Hazırda isə qadınlar şalvara elə alüdə olublar ki, şalvar geyməyən qadın görəndə sadəcə buna sevinirik. 

Burda yerləşdirilən fotodakı şalvar, sizcə, boşunamı bu qədər dilxor görünür?

Qadınlar kişilərdən şalvarı alıb, bəs kişilər neynəyiblər? Sırqa taxan kişilər get-gedə trendə çevrilirlər. Manikürə, pedikürə gedən, qaşlarını alan kişilər sürətlə artmaqdadır. Təzəlikcə saçı uzadıb arxadan tək hörük saxlamaq da dəbə minib. 

Kişilər tərzcə qadınlaşırlarsa qorxuram xaraktercə də qadınlaşalar. Onda necə olacaq? 

Nə isə. Bu yerdə mövzunu qapadıram.

“Ədəbiyyat və incəsənət”

(29.11.2023)