“Ədəbiyyat və incəsənət” portalı tanınmış telejurnalist Sənan Şəfizadənin qələbə təəssüratlarını dərc edir. Hansı qələbə? Lütfən oxuyun!

Bədii gimnastika üzrə qrup hərəkətləri komandamızın bu finalını unutmayacağam. Təsəvvür edin, arenada hamı bir anlıq dondu. Həkimlərimiz, mühafizə heyəti, sıravi əməkdaşlar, qonaqlar - hamılıqla 2 dəqiqə 30 saniyə nəfəs almadan millinin çıxışını izlədik. Qızlar lenti göyə atanda, topu ötürəndə yaşadığımız həyəcanı sözlə izah edə bilmirəm. Və sonda nəticə: Azərbaycan 1-ci yerə yüksəlir. 

ATV- də yayımlanan verilişlə bağlı bu komandanın çəkdiyi əziyyəti bilirəm. Nəticə elan olunanda 3000-dən çox insanın Azərbaycan sədası dəhşət idi. Gimnastların valideynləri göz yaşlarını saxlaya bilmirdi. Qələbə bizi də kövrəltdi. Aparıcı kimi belə yarışları unuda bilmirəm. Tarixi nəticəni elan etdiyim anı həmişə qürurla xatırlayacağam. Azərbaycan Gimnastika Federasiyasını, idman ictimaiyyətini, hamını təbrik edirəm. 

Şəkildə: Bu da bizim Avropa çempionları. 

“Ədəbiyyat və incəsənət”

(23.05.2023)