“Ədəbiyyat və incəsənət” portalı Poetik qiraət rubrikaaında şair Əlizadə Nurinin 

“Nə yaxşı, durmadım sözümün üstə…” şeirini təqdim edir. 

Bu kədər deyəsən yorulub bir az,

Qoy, qoysun başını dizimin üstə.

Yığdım bu dünyadan ayaq izini-

Qorxdum ki, iz düşə izinin üstə…

Hansı küçədəsən, hansı tindəsən?

Qazıram dünyanı… nə dərindəsən?!..

Gözümün üstündə qaş yerindəsən-

Mən səni saxlaram gözümün üstə…

Özümlə danışdım, dinlədim səni…

Təzə tanımışam  bu qədim səni.

Nə yaxşı, unuda bilmədim səni-

Nə yaxşı, durmadım sözümün üstə…

“Ədəbiyyat və incəsənət” (03.12.2022)