Bu gün mərhum şair Akif Səmədin doğum günüdür. Sağ olsaydı, 63 yaşını qeyd eləyərdi. Allah ona qəni-qəni rəhmət eləsin! 

Bu nə yeriş, bu nə nazdı,

Amandı, ay gedən, əylən.

Bu günlər, yoxsa sabahlar

Gümandı, ay gedən, əylən.

Gülə can verən arıyıq,

Yönü sevdaya sarıyıq,

Ölüm heç nədi, ayrılıq

Yamandı, ay gedən, əylən.

Açıb yasəmən kolları,

Açılıb bizə qolları,

Tanı getdiyin yolları,

Dumandı, ay gedən əylən.