İsmayıllı rayonunun Buynuz kəndinin qəbirstanlığında Xalq şairi Musa Yaqubun vəfatının ildönümündə qəbirüstü abidəsinin açılış mərasimi keçirilib.

“Ədəbiyyat və incəsənət” portalı xəbər verir ki, mərasimdə Azərbaycan Yazıçılar Birliyinin sədri Anar, sədr müavini Rəşad Məcid, katib Elçin Hüseynbəyli, İsmayıllı Rayon İcra Hakimiyyətinin başçısı Nahid Bağırov, Milli Məclisin deputatları, mərhumun ailə üzvləri və ictimaiyyət nümayəndələri iştirak ediblər.

Çıxış edənlər M.Yaqubla bağlı xatirələrini bölüşüblər, yaradıcılığı barədə danışıblar.

Abidəni Xalq rəssamı, heykəltəraş Natiq Əliyev hazırlayıb.

Xatırladaq ki, M.Yaqub mayın 7-də İsmayıllı rayonunun Buynuz kəndində, yaşadığı evdə 84 yaşında dünyasını dəyişib. O, kənd qəbiristanlığında, həyat yoldaşının yanında torpağa tapşırılıb.

Bundan sonra böyük şairin abidəsi onu anmağa gələnlərə əsl təsəlli olacaq.