Yazıçı Varisin 1893-1993-cü illəri əhatə edən, ermənilərin Türkiyədə  və Qarabağda həyata keçirdikləri mənfur milli siyasəti arxiv materialları vasitəsi ilə açan, ötən il İstanbulda TADEV yayınları tərəfindən nəşr edilmiş “Qızıl cib saatı” romanından  hissələr İranın Yeniqapı.com saytında dərc edilib. “Ədəbiyyat və incəsənət” portalı xəbər verir ki, Təbrizdə fəaliyyət göstərən sayt ilk öncə romanın ən tükürpədən hissəsini: 1918-ci ildə erməni daşnaklarının bolşevik bayrağı altında Bakıda törətdikləri vəhşiliklərdən bəhs edən, Azərbaycan Xalq Cumhuriyyətinin  Fövqəladə İstintaq Komissiyasının materiallarına istinadən yazılmış  fəsli təqdim edib, güneyli soydaşlarımıza bu acı həqiqətdən xəbər tutmaq imkanı yaradıb. 

Qeyd edək ki, yaxın günlərdə sayt digər hissələrin tərcüməsini də oxucularının ixtiyarına verəcək.