İnci Məmmədzadə, “Ədəbiyyat və incəsənət”

Eldar Həsənli 1960-cı il aprelin 28-də Göyçə mahalının Basarkeçər rayonunun məşhur Daşkənd kəndində, şair Həsən Xəyallının ailəsində anadan olmuşdur.

Ədəbi fəaliyyətə Bərdə rayonunun "Müəllimlər evi"nin nəzdində olan poeziya dərnəyində rəhbər kimi başlamış, "Uşaq poeziyası" dərnəyinə rəhbərlik etmişdir. Eldar Həsənli Azərbaycan Aşıqlar Birliyinin Bərdə bölgəsi üzrə şöbə müdiri işləmişdir. İlk şeiri 1983-cü ildə "Sovet Ermənistanı" qəzetində dərc olunmuşdur. Hazırda bir çox almanaxlarda, jurnallarda, qəzetlərdə şeirləri və publisist yazıları çap olunur. Əsərləri geniş oxucu rəğbəti qazanmışdır.

İndiyə kimi 5 kitabı işıq üzü görüb:

- Aqilim, Sərrafım qaldı Göyçədə

- Gözlərimin yaşı qalıb o yerdə

- Göyçə mənim, qadası, Ələsgərim, Alımdır

- Sən günəşin zərrəsiydin

- Dünya mənim qəfəsimdi

 Seçilmiş əsərlərindən və son illər qələmə aldığı şeirlərindən ibarət altıncı kitabı çapa hazırlanır.

Azərbaycan Yazıçılar Birliyinin və Azərbaycan Jurnalistlər Birliyinin üzvüdür. Bakı şəhərində yaşayır, işləyir və ədəbi fəaliyyətini müntəzəm davam etdirir.

“Ədəbiyyat və incəsənət”

(28.04.2025)