Təqdim edir: Könül, “Ədəbiyyat və incəsənət”

Poetik qiraətdə sizlərlə yenidən Əlizadə Nuridir.

Deyəsən, o qızın SU idi adı-

Hara axıb getdi, niyə qalmadı?-

deyir şair.

Xoş mütaliələr!

Dünya özü boyda şirin almadı...

Sən demə, ölüm də əkinçi imiş-

Torpaq ömürləri xışlayıb keçir.

Dünyada nə qədər köçəri qəm var,

Mənim ürəyimdə qışlayıb keçir.

Şeytana daş atan özü də cinmiş,

Sonuncu ümid də dünən keçinmiş.

Göy üzü üstümdən gəlib keçibmiş,

Heyf ki, yanımda düşməyib keçib...

Deyəsən, o qızın SU idi adı-

Hara axıb getdi, niyə qalmadı?

Bu dünya elə bil şirin almadı

Hərə bir yanından dişləyib keçir...

“Ədəbiyyat və incəsənət”

(22.01.2025)