“Ədəbiyyat və incəsənət” portalının Güney Azərbaycan Poeziyası Antologiyası layihəsində Təbriz təmsilçimiz Əli Çağlanın növbəti təqdim etdiyi şair Əhərdə yaşayan Xan Sənəmdir.

Xan Sənəm

Əhər

“Yox” demə son qərarıma,

Otur yaxşı düşün gedək.

“Bu dünya daş dünyasıdır”,

At buranın daşın, gedək.

Ürəyimiz daş olmamış,

Dünyaya oynaş olmamış,

Gəl işimiz yaş olmamış,

Sil gözünün yaşın, gedək.

Qalan ömrü verək yelə,

Vidalaşaq gülə-gülə,

Ya mən köçüm sizin elə,

Ya sən mənə daşın, gedək.

“Ədəbiyyat və incəsənət”

(20.12.2024)