Təqdim edir: Könül, “Ədəbiyyat və incəsənət”

Poetik qiraətdə sizlərlə yenidən Əlizadə Nuridir. Şair bir sevgidən bəhs edir, qara sevgidən. 

Niyə məni görmədin ki,

Sənə nə oldu görəsən?

Burdan sənin gözlərinə

Nə qədər yoldu görəsən? - deyir. 

Xoş mütaliələr.

SƏNƏ

Görəsən sənin gözlərin,

Nə qədər göz yaşı tutur?

Adının baş hərfi gəlir

Ürəyimin başı tutur...

Niyə məni görmədin ki,

Sənə nə oldu görəsən?

Burdan sənin gözlərinə

Nə qədər yoldu görəsən?

Payız sənin gözlərində,

Yurd salıb yaşayır nədi?

...Gəl, çıxaq bu yer üzündən-

Yer üzündə zəlzələdi...

“Ədəbiyyat və incəsənət”

(22.11.2024)