“Ədəbiyyat və incəsənət” portalının poçtunda növbəti məktub Azərbaycan Yazıçılar Birliyinin üzvü Coşqun Xəliloğludandır, o “Olanda” adlı şeirini yollayıb.

                                                OLANDA

"Daşın dibindən də göyərib çıxar
Çiçəyin toxumu dolu olanda."
               Bəxtiyar Vahabzadə

"Daşın dibindən də göyərib çıxar
Çiçəyin toxumu dolu olanda."
Bütün müşküllərdən qurtulmaq olar
Elin ağsaqqalı ulu olanda.

Ey qafil, az axtar şanı, şöhrəti,

Ölümdür, itirsə kişi qeyrəti,

Nə dəyəri olar, nə də hörməti,
İnsan öz nəfsinin qulu olanda.

Yollar çox olsa da birin seçərsən,

İnansan bu yola, and da içərsən,

Zirvəni aşarsan, dağı keçərsən,

Yolun həqiqətin yolu olanda.

Halal yollarda da çoxdur əziyyət,
Onunçun bu yolu sevməz bədniyyət,
Coşqun, yaddaşlarda qalıb bu söhbət:
-Nökər bəy  olammaz, pulu olanda.

20.09.2024.

“Ədəbiyyat və incəsənət”

(13.11.2024)