Təqdim edir: Könül, “Ədəbiyyat və incəsənət”
Poetik qiraətdə sizlərlə yenidən Əlizadə Nuridir.
Dünya şeytan yuvasıdı-
Daş götürüb gedəsən...
- deyən şairin haqlı gileyi çox təsirlidir.
Xoş mütaliələr.
Göz qurusa, yar gözündən
Yaş götürüb gedəsən.
Dünya şeytan yuvasıdı-
Daş götürüb gedəsən...
...Qarı dünya, boş əldəsən?
Bir əldəsən, beş əldəsən?
...Ürəyini boşaldasan-
Boş götürüb gedəsən.
İndi çox yaşamaq ayıb-
Bu qarğanı kim qarğayıb?
Adamda baş da qalmayıb
Baş götürüb gedəsən...
“Ədəbiyyat və incəsənət”
(12.11.2024)
