Təqdim edir: Könül, “Ədəbiyyat və incəsənət”

Poetik qiraətdə sizlərlə bu dəfə yenidən sevilən şairimiz Əlizadə Nurini görüşdürürəm. Şair bu dəfə “Bu dünya bir yelləncəkdi. Nə qədər naşı fırlanır” deyir. Həqiqətən də bu gün naşılar meydan sulamaqdadırlar.

Xoş mütaliələr.

Fırlanır

Neçə acın yuxusunda,

Dəyirman daşı fırlanır.

Bəlkə elə şərab içib-

Dünyanın başı fırlanır?!

Azdım bir quşun səsində...

Sirr var şamın şöləsində.

Dərdimin yan-yörəsində

Gözümün yaşı fırlanır.

Hər uçana quş deməyən,

Bayquşa bayquş deməyən,

Ayranına turş deməyən

Şeytanın  aşı fırlanır.

Yarpaq özü də  çiçəkdi,

Qoxusunu yellər çəkdi...

...Bu dünya bir yelləncəkdi-

Nə qədər naşı fırlanır..

Ədəbiyyat və incəsənət”

(22.10.2024)