Təqdim edir: Könül, “Ədəbiyyat və incəsənət”

Poetik qiraətdə sizlərlə yenidən daimi müəllifimiz Əlizaəd Nuridir. Bu dəfə şair yuxusuzluqdan şikayətlənir…

Xoş mütaliələr.

Yuxusuzluq

Ağrılar- gül qoxusutək...

Ətrinə dəydim ölümün.

Bir az uzun yaşamaqla

Xətrinə dəydim ölümün.

Bir yandan da sənin dərdin,

Bu dərd də ar eləmir.

Sən gözümə dolan gündən

Yuxu da uzaq dolaşır-

Yerini dar eləmir.

Çöldə də darıxan payız...

Yağır neçə saatdı.

Çıxarıb son pencəyimi

Üşüyən ağacın

çiyninə atdım...

“Ədəbiyyat və incəsənət”

(04.10.2024)