Təqdim edir: Könül, “Ədəbiyyat və incəsənət”

Poetik qiraətdə növbə yenidən Əlizadə Nuridədir. “Qəza” deyir şair. 

Qəzaya tək adam yox,

Yol da qəzaya düşər...

-Yenə də fərqli, orijinal! 

Xoş mütaliələr.

Qəza

Yolda ölənlərə elegiya

Nə kəm oldu bu kərəm,

Qəmi eşqə bükərəm!

Şəklini mən çəkərəm

İşığı aya düşər.

Durub dağın başında,

Ölüm- allah yaşında!

Ömür ağırlaşanda,

Güc də əsaya düşər.

Nə yarı var, nə tam yox,

Atma məni, atam yox...

...Qəzaya tək adam yox,

Yol da qəzaya düşər...

“Ədəbiyyat və incəsənət”

(30.08.2024)