Təqdim edir: Heyran Zöhrabova, “Ədəbiyyat və incəsənət”

Xudafərin... 

Sanma o körpü fəqət 

Durur suyun üstə, tağın içində. 

Yox! O ürəklərdən yoğrulmuş sərhəd 

Qalxır vahid dilli xalqın içində. 

Qardaş! O ağırlıq, o sədd, o ağrı 

Karpatın çiynində olsaydı əgər, 

Karpat əyilərdi... 

Yaralı bağrı 

Nə axşam toxdardı, nə də ki, səhər. 

Arazın kədəri min ümmandan çox, 

Gözündən axıdır ləpələrini... 

Saxlaya bilməyir öz çiynində, yox, 

Ayrılıq körpüsü Xudafərini...

“Ədəbiyyat və incəsənət”

(19.07.2024)