Azərbaycanın Güneyində şair Məhəmmədtağı Tağızadə dünyasını dəyişib. Bu barədə “Ədəbiyyat və incəsənət” portalına Azərbaycan Yazıçılar Birliyi sədrinin Güney Azərbaycan üzrə müşaviri Sayman Aruz məlumat verib.
Azərbaycan Türkcəsində yazdığı şeirləri ilə tanınan şair, yazıçı və mədəniyyət xadimi Məhəmmədtağı Tağızadə 1939-cu ildə Qaradağ bölgəsinin Larican kəndində anadan olub.
Məhəmmədtağı Tağızadənin yazdığı şeirlərin bir hissəsini ehtiva edən "Qara bayquş" və "Qərib çinar" adlı iki şeir kitabı nəşr olunub.
Mərhuma Allahdan rəhmət diləyir, ailəsinə və Bütöv Azərbaycana başsağlığı veririk.
Ruhu şad, məkanı cənnət olsun.
“Ədəbiyyat və incəsənət”
(08.05.2024)
