“Ədəbiyyat və incəsənət” portalı Azərbaycan Yazıçılar Birliyinin üzvü Coşqun Xəliloğlunun “Şəhidlər barədə şeirlər” silsiləsini təqdim edir. Bu gün –Tofiq Kərimova həsr edilmiş şeirlə tanış olacaqsınız.

TOFİQ DADAŞ OĞLU KƏRİMOV

(07.07.1973.-08.11.2020.)

Qaradağ rayonunun Sahil qəsəbəsində anadan olmuş, Xüsusi Təyinatlı  Qüvvələrin   mayoru, Qarabağ uğrunda Vətən müharibəsinin şəhidi.

     ƏBƏDİ  YAŞAYIR QƏHRƏMAN TOFİQ

Qarabağ uğrunda canından keçən,

Üçrəngli bayrağı öpüb, and içən,

Düşməni milçəktək məhv edən, biçən,

Əbədi yaşayır qəhrəman Tofiq.

Məsləki ədalət, haqq yolçusuydu,

Qarabağ qayıtsın, saf arzusuydu,

Şuşa azad olsun, pak  duyğusuydu,

Əbədi yaşayır qəhrəman Tofiq.

Qorxmaz komandirdi, peşəkar zabit,

Necə də cəsurdu, döyüşkən, igid,

Dostlar hünərinə olmuşdu şahid,

Əbədi yaşayır qəhrəman Tofiq.

Xidmətə başladı lap gənc yaşında,

Ayaq izləri var vətən daşında,

Qalib tək seçildi haqq savaşında,

Əbədi yaşayır qəhrəman Tofiq.

Şəhidlik zirvədir, uca yox ondan,

Qorxmayıb ölümdən, qorxmayıb qandan,

Torpaq-namus üçün keçibdi candan,

Əbədi yaşayır qəhrəman Tofiq.

Tofiqgil düşmənin növrağın pozdu,

İndi Şuşamızda əbədi yazdı,

Şəhidsiz torpaqlar Vətən olmazdı,

Əbədi yaşayır qəhrəman Tofiq.

Tofiq nümunəydi, şücaətiylə,

Dərs verdi çoxuna ləyaqəiylə

Yadigar üç oğul əmanətiylə

Əbədi yaşayır qəhrəman Tofiq.

“Ədəbiyyat və incəsənət”

(16.04.2024)