“Ədəbiyyat və incəsənət” portalı Azərbaycan Yazıçılar Birliyinin üzvü Coşqun Xəliloğlunun “Şəhidlər barədə şeirlər” silsiləsini təqdim edir. Bu gün Səid Bayramova həsr edilmiş şeirlə tanış olacaqsınız.

SƏİD ELDƏNİZ OĞLU BAYRAMOV

(20.11.1999.-01.11.2020.)

Kürdəmir rayonunun Çöl-Ərəb kəndindən olan Qarabağ uğrunda Vətən müharibəsinin şəhidi

ƏBƏDİ CƏNNƏTƏ KÖÇMÜSƏN         

Adının mənası – xoşbəxt, uğurlu,

Çöhrən, üzün- gözün  necə də nurlu,

Yaşadın ömrünü, qısa, qürurlu,

Şəhidlik şərbətin içmisən, Səid,

Əbədi cənnətə köçmüsən, Səid.

 Elimin sevimli balası oldun,

 Yağının qənimi, bəlası oldun,

 Yurdumun sipəri, qalası oldun,

 Bu yolu qorxmadan seçmisən, Səid,

 Əbədi cənnətə köçmüsən, Səid.

Kafirlər bu yurdda qalammaz  dedin,

Tülküdən şir, aslan olammaz  dedin,

Mərd oğul rahat yatammaz  dedin,

Düşməni məhv edib, biçmisən, Səid,

Əbədi cənnətə köçmüsən, Səid.

Çöl-Ərəbin fəxri, vüqarı oldun,

 Söhbəti, ülfəti, ilqarı oldun,

 Tükənməz dövləti, həm varı oldun,

Qızılgültək ətir saçmısan, Səid,

Əbədi cənnətə köçmüsən, Səid.

Bizim ordumuzdur qələbə çalan,

Düşmənin ordusun eylədik  talan,

Azaddır Füzuli, Şuşa, Zəngilan,

İşıqsan, nur, şəfəq saçmısan, Səid,

Əbədi cənnətə köçmüsən, Səid.                 

“Ədəbiyyat və incəsənətz”

(29.03.2024)