“Ədəbiyyat və incəsənət” portalı Azərbaycan Yazıçılar Birliyinin üzvü Coşqun Xəliloğlunun “Şəhidlər barədə şeirlər” silsiləsini təqdim edir. Bu gün Samir Qəfərliyə həsr edilmiş şeirlə tanış olacaqsınız.
SAMİR MÖHLƏT OĞLU QƏFƏRLİ
(01.11.1994.-30.10.2020.)
Ucar rayonunun Bərgüşad kəndindən olan, ADMİU-nin məzunu, Qarabağ uğrunda Vətən müharibəsinin şəhidi
QORXMAZ, QƏHRƏMAN SAMİR
Vətənə qala oldun,
Sevimli bala oldun,
Yağıya bəla oldun,
Qorxmaz, qəhrəman Samir.
Sevirdin Qarabağı,
Deyirdin, “- kimdir yağı? -
Sönər düşmən çırağı,”
Qorxmaz, qəhrəman Samir.
İki bacıya qardaş,
Yaxşı dost, yaxşı yoldaş,
Qoçaq oğul, vətəndaş,
Qorxmaz, qəhrəman Samir.
Kiçik yaşından hələ
Döndün şimşəyə, selə.
Vuruldun doğma elə,
Qorxmaz, qəhrəman Samir.
Böyüdün ləyaqətlə,
Vətənə məhəbbətlə,
Elinə sədaqətlə,
Qorxmaz, qəhrəman Samir.
Kamillik dərsi aldın,
Aktyortək ucaldın,
Xatirələrdə qaldın,
Qorxmaz, qəhrəman Samir.
Adın çağrıldı “Əsgər!”,
Yerin, məkanın səngər,
Oldun düşmənə çəpər,
Qorxmaz, qəhrəman Samir.
Döyüşdün şeytanlarla,
Demərəm, insanlarla,
O ruhsuz canlarla,
Qorxmaz, qəhrəman Samir.
Ədalət savaşında,
İyirmi altı yaşında.
Şəhid oldun Laçında,
Qorxmaz, qəhrəman Samir.
Ucarın, Bərgüşadın,
Ucalda bildin adın.
Yurd unutmaz övladın,
Qorxmaz, qəhrəman Samir.
Adın Azərbaycanın
Tanınır hər yerində,
Şair də vəsf eyləyir
Hünərini şeirində,
Qorxmaz, qəhrəman Samir.
“Ədəbiyyat və incəsənətz”
(27.03.2024)
