Poetik Qiraətdə bu gün sizlərə təqvimi nəzərə alaraq bir sevgi şeiri təqdim edirik. Müəllifi şairə, redaktor Şəfa Vəlidir. O, “Səni sevmək” deyəcəkdir. 

SƏNİ SEVMƏK

Dünyanın yarısıdı,

Süleymanın qarısıdı.

Bəxt gülünün sarısıdı,

  Səni sevmək...

Utanan bir üz tapmaqdı,

Ömrə əbədi qonaqdı.

Quş qanadında uçmaqdı,

 Səni sevmək...

Ziyanın yarısı kardı,

Sevən sevilənə yardı.

Xəyalda da bəxtiyardı,

 Səni sevən. 

Qonaqlı-qaralı ömrüm,

Sevdası qaralı ömrüm.

Günahlı, qaralı ömrü...

 Səni sevən...

“Ədəbiyyat və incəsənət”

(15.02.2024)