“Ədəbiyyat və incəsənət” portalı Coşqun Xəliloğlunun “Şəhidlər barədə şeirlər” silsiləsini təqdim edir. Bu gün İbrahim İbrahimova həsr edilmiş şeirlə tanış olacaqsınız.

İBRAHİM ABDULLA OĞLU İBRAHİMOV

(10.10.1999.-09.11.2020.)

Binəqədi kəndindən olan, Azərbaycan Silahlı Qüvvələrinin əsgəri, Qarabağ uğrunda Vətən müharibəsinin şəhidi

SƏN, BİZİM FƏXRİMİZSƏN

Binəqədi kəndinin mərd, igid qəhrəmanı,

Candan artıq sevirdin bu eli, bu obanı,

Hünərinlə sən yazdın, bir ölməzlik dastanı,

Vətən üçün döyüşdün, canını verdin qurban,

Dedin, təki yaşasın anamız Azərbaycan!

İbrahim tək oğullar Vətən edir torpağı,

Əməliylə gətirir xoş günü, xoş sorağı,

Qanıyla xilas edi ryağıdan Qarabağı,

Gətirir hünəriylə doğma yurda şöhrət, şan,

Dedin, təki yaşasın anamız Azərbaycan!

Sən bizim fəxrimizsən, qoçaq qardaşımızsan,

Həmişə bizimləsən, əziz sirdaşımızsan,

Unudulmazsan heç vaxt, sadiq yoldaşımızsan,

Fizulidə, Şuşada düşmənə uddurdun qan,

Dedin, təki yaşasın anamız Azərbaycan!

.

“Ədəbiyyat və incəsənət”

(06.02.2024)