“Ədəbiyyat və incəsənət” portalı Coşqun Xəliloğlunun “Şəhidlər barədə şeirlər” silsiləsini təqdim edir. Bu gün Xaqani Məmmədova həsr edilmiş şeirlə tanış olacaqsınız.

XƏQANİ MÜRŞÜD OĞLU MƏMMƏDOV

(15.05. 2000.-2.11.2020.)

Kürdəmir rayonunun Mürtülü kəndindən olan Azərbaycan Silahlı qüvvələrinin əsgəri, Qarabağ uğrunda Vətən müharibəsinin şəhidi              

İGİD ƏSGƏR XƏQANI

Sakit təbiətliydi,

Xətirli-hörmətliydi,

Dürüst, ləyaqətliydi

İgid əsgər Xəqani.

Sevirdi bu diyarı,

Qəlbində arzuları,

Yurdumun iftixarı-

İgid əsgər Xəqani.

Söyləyirdi; - Qarabağ-

Bizim müqəddəs torpaq,

Onsuz olmaz gözəl çağ-

İgid əsgər Xəqani.

Əsgərliyi qurtardı,

Şirin xəyal qurardı,

Yenə Vətən çağırdı,

Atıldı döyüşlərə

İgid əsgər Xəqani.

Vuruşdu aslan kimi,

“Ağ atlı oğlan” kimi,

Cəsur qəhrəman kimi

İgid əsgər Xəqani.

Lərzəyə düşdü yağı,

Söndü düşmən çırağı,

Azad etdi torpağı

İgid əsgər Xəqani.

Elə həyat seçdi o,

Qan-qadadan keçdi o,

Ürəklərə köçdü o

İgid əsgər Xəqani.

Mürtülünün balası,

Yağıların bəlası,

Bir rəşadət qalası

İgid əsgər Xəqani.

Düşmənlərə çəkdi dağ,

Azaddır Vətən-torpaq,

Əbədi yaşayacaq

İgid əsgər Xəqani.

“Ədəbiyyat və incəsənət”

(02.02.2024)