“Ədəbiyyat və incəsənət” portalı Coşqun Xəliloğlunun “Şəhidlər barədə şeirlər” silsiləsini təqdim edir. Bu gün Elvin Babayevə  həsr edilmiş şeirlə tanış olacaqsınız.

ELVİN ƏKBƏR OĞLU BABAYEV

(28.02.2001.-02.10.2020.)

Əslən Gəncədən olan, Azərbaycan Silahlı Qüvvələrinin əsgəri, Qarabağ uğrunda Vətən müharibəsinin şəhidi.

ELVİN

Uşaqlıqdan qoçaqdın, əməlin düz, özün düz.

Hamı səni sevirdi, əqidən düz, sözün düz.

Hələ məktəbli ikən xəyalən döyüşdəydin,

Şuşada, Kəlbəcərdə  inamla yürüşdəydin.

Şahinlər yarışında  qələbə də çalmışdın,

Sevimli müəllimdən təşəkkür də almışdın.

Vaxt gəldi, məqam çatdı, hərbiyə yola düşdün,

Kişilik məktəbində yaxşı dərs aldın, “bişdin”.

Ali Baş Komandandan əmr gəldi: “- Əzəli

Torpağı qaytarmağın məqamıdır, irəli! “

Əsgər yoldaşlarınla düşmənə uddurdun qan.

Dedin, Vətən var olsun, yaşasın Azərbaycan.

Sən Gəncədə doğuldun, cəsur bir igid oldun.

Qarabağ torpağında qəhrəman, şəhid oldun.

Vətən, namus uğrunda  canından keçdin Elvin.

Hünərinlə əbədi  cənnətə köçdün Elvin.

Sənin ilə fəxr edir Elvin, obalar, ellər.

Xalqım səni unutmaz, ötüşsə də yüz illər.

“Ədəbiyyat və incəsənət”

(17.01.2024)