“Ədəbiyyat və incəsənət” portalının Poetik qiraət rubrikasında bu gün sizlərlə ustad  şair İqbal Həhmətlə görüşür.

QORU ÖZÜNÜ

Gözündə gizlədir qübarı çoxu,

Yataraq ötürür naharı çoxu,

Yaxşı bax, gözləmir baharı çoxu,

Çiçəyi solandan qoru özünü. 

Ömür bir az qısa, bir az da dardır,

Yarısı həyadır, yarısı ardır,

Səbrin də həddi var, hüdudu vardır,

Kasası dolandan qoru özünü.

Acın gücü olmaz, yiyəsi olmaz,

Sözünü gizlədər, deyəsi olmaz,

Haramın necəsi, niyəsi olmaz,

Yeyərək doyandan qoru özünü.

Nadana fərqi yox olsun-olmasın,

Analar saçını yolsun-yolmasın,

Ay İqbal, iti get çatan olmasın,

Arxada qalandan qoru özünü.

“Ədəbiyyat və incəsənət”

(24.11.2023)