Oktyabrın 15-də “Böyük Qayıdış" Gənclər Təşkilatı tərəfindən Azərbaycan Gənclər Fondunun dəstəyi ilə “Zəfərin 44 günü” adı altında həyata keçirilən silsilə tədbirlər çərçivəsində döyüşçü şairlərlə "Mən Vətənəm" adlı görüş təşkil olunacaqdır. 

“Ədəbiyyat və incəsənət” portalı xəbər verir ki, Dünya Gənc Türk Yazarlar Birliyinin sədri, şair-publisist İntiqam Yaşarın moderatorluğu ilə baş tutacaq görüşdə Vətən müharibəsində iştirak etmiş istedadlı gənc şairlərimiz Həsən Kür, Nicat Fərman və Emin Pirinin yaradıcılığı ilə yaxından tanış olmaq, müharibə xatirələrini və şeirlərini dinləmək, fikir mübadiləsi aparmaq, həmçinin düşündürücü suallara cavab tapmaq mümkün olacaq. 

Tədbirdə fəal iştirak edən gənclərə imzalı kitablar təqdim ediləcəkdir.

Tədbir “Misra Book Cafe”də keçiriləcək.

“Ədəbiyyat və incəsənət”

(13.10.2023)